FMU um vikuskiftið

Hetta vikuskiftið hevur verið eitt av teimum, við nógvum tiltøkum, bæði fyri vaksin og børn. Longu fríggjadagin var FM á breyt fyri børn og ung sett í gongd við rimarenning. Leygar- og sunnudagin var so hildið fram við øllum øðrum greinum innan frælsan ítrótt. Sum vanligt seinna dagin, var skrúðgonga við øllum luttakararnum og síðani…

Top Run í gandakendum umhvørvi

Bragdið Top Run 2018 var fyri 16.ferð runnið leygardagin 8.sept. Samstundis sum renningin var, vóru nógv onnur tiltøk, m.a. fjallarenningin, sum óivað hevur tikið eitt sindur av luttakarum frá okkara tiltakið. Men tá avtornaði, var luttøkan á 30 og tey fingu øll eina ordans uppliving. Mjørki og támut, og so uppi á toppinum, á veg…

Bragdið Top Run 2018

Aftur í ár vilja vit bjóða øllum renniáhugaðum til eina góða og øðrvísi avbjóðing. Leygardagin 8.september kl. 16.00 er startskotið til kappingina, Bragdið Top Run 2018. Byrjað verður, sum vit plaga, í Kollafjarðardali og runnið verður niðan á Sornfelli. Rennirutan er av nógvum hildin at verða ein av teimum harðastu, tí sum fyriskipararnir plagdu at…

Elisabeth setti føroyskt met

Spent sótu vit flest øll framman fyri skíggjan, tá 3-2 var á skránni, mánakvøldið 20.august. Eitt lið frá Kringvarpinum hevði verið á Tórsbreyt, tá FM fyri vaksin var, leygar- og sunnudagin 18. og 19.august. Men vit sótu sum kánus, tá innslagið um frælsan ítrótt var liðugt! Ikki eitt einasta orð um longdarlopsbragdið hjá Elisabeth Holm…

Herluf á 100 km túri

Seinasta leygarmorgun, meðan nakrir hundrað rennarir fyrireikaðu seg til FES stafettina her í Havn, gjørdi Herluf Jakobsen seg kláran til eina heilt aðra avbjóðing í Danmark. Hann skuldi renna við í Ultraløbet Ringkøbing Fjord Rundt 2018. Teinurin er heilar 100 km. Herluf hevur runnið fleiri marathon. Hann er ein av trimum føroyingum, sum hevur runnið seks…

Hallur og Elisabeth runnið 90km…hvør

Í føroyska renniumhvørvinum kenna vit tey. Hann, tí hann hevur vunnið eitt ótal av rennikappingum, frá styttri teinum, til marathon, og fyri hansara vitan og íkasti til frælsan ítrótt í Føroyum. Hevur verið formaður í FÍF fleiri setur, til hann í vár takkaði fyri seg. Hon er ikki líka almenn, men hon er hansara maki.…

Fullteknaður summarskúli!

Summarskúlin fyri børn, sum byrjar mánadagin, er fullteknaður. Tilmeldingin stongir, nú yvir 60 børn hava meldað til. Vit gleða okkum sera nógva at hitta øll børnini og gleða okkum til eina viku við rørslu og stuttleika, saman við tykkum øllum.

Úrslitini frá Ólavsøkurenningini-vaksin

Sum vanligt, skipaðu vit í Bragdinum fyri Ólavsøkurenningini úti á Skálatrøð, tann 27.juli. Undirtøkan var góð og tað er altíð við eitt sindur av spenningi, um onkur luttakari kemur, sum ikki er eitt kent andlit og sum kann spæla rennararnum eitt puss. Og soleiðis var eisini hesa ferð. Ein maður úr Belgia, skrivaði til okkum…

Ólavsøkurenningin og úrslitini børn og ung

So er Ólavsøkan av á hesum sinni og loksins eru úrslitini frá Ólavsøkurenningini her. Í ár runnu børnini fyrst og byrja var við teimum yngstu. Tað riggaði væl, halda vit, tí ofta hevur bíðitíðin verið nakað long, tá tey ikki kunnu byrja, fyrr enn tey vaksnu eru liðug at renna. Summi børn kenna vit frá…

Komið við í summarskúla í august!

Kom í summarskúla áðrenn skúlin byrjar ordiligt! 🙂 Sum nakað nýtt, bjóða vit børnum í aldrinum 7-12 ár í summarskúla í august, 6.-10.august frá kl. 9-12!  Vit fara at renna, kasta og leypa og tað ger einki, um tú ikki hevur roynt tað fyrr. Til at hjálpa tykkum við øllum hesum, hava vit góðar og…