Leygarmorgunin var lív í uttan fyri skótahúsið í Kollafirði. Rennikapping nummar trý í vetrarkappingini var á skrá og sum undanfarin ár, hava vit valt Kollafjørð at kappast í. Rutan er sløtt og góð og er vældámd av rennarum, sum luttaka í vetrarkappingini.
Startur og mál var við skúlan við Sjógv og rennast skuldi eftir bygdavegnum í Líðini, yvir á Sperm á Signabø at venda, og sama veg heimaftur, tilsamans 10 km. Børnini runnu 3 km og byrjaðu sama stað, runnu 1,5 km og vendu síðani heimaftur.
Hjá børnunum vunnu Hans Erik Eiriksson og Ása Weihe. Hans Erik hevur møtt til allar vetrarkappingarnar higartil, meðan hetta var fyrsta kappingin hjá Ásu, sum býr í Kollafirið. Hjá unglinunum vunnu Vibeka Ei. Sivertsen og Ingi Johannesen, ávikavíst úr Treysti og Roysni.
Mikkel Dyhr og Marita Andrasardóttir, bæði úr Bragdinum komu fyrst á mál hjá teimum vaksnu.
Úrslitini eru niðanfyri og har ber til at granska úrslitini hjá øllum:
Heili 55 rennarar runnu við og komu á mál og vit eru vælnøgd, tí hetta er mitt í jólaveitslutíðini, har øll hava nokk at fara til. Vit bjóðaðu drekkamunn í skótahúsinum við heimabakaðum køkum og sum altíð, var løtan sera hugnalig.
Á okkara Facebooksíðu eru fleiri myndir at síggja: https://www.facebook.com/bragdid
Takk fyri hjálpina tit øll í Bragdinum. Tit eru gull verd 🙂