Í dag var lítil hátíðarløta í Bragdahúsinum, tá stuðulin frá flaggdagsrenningini var handaður Sclerosufelagnum.
Flaggdagsrenningin er elsta kappingin hjá Bragdinum og endamálið er at fáa fólk at røra seg. Í 2019 fóru Bragdið og Sclerosufelagið í samstarv um heilsurenningina, sum er meðan vanliga rennikappingin er. Luttøkugjaldið frá heilsurenningini fer óskert til Sclerosufelagið og haraftrat ber til hjá øllum at lata stuðul, tá meldað verður til renningina.
Á Kongabrúnni, har starturin og málið er, setur Sclerosufelagið dám á tiltakið við at hava eitt telt, har tey bjóða ein drekkamunn við køkum afturvið. Væl er vitjað, tí mangan eru køkurnar uppi. Saman við einum drekkamunni ber so til at fáa eitt prát við umboðini hjá felagnum og so hvørt sum rennararnir koma á mál, legst aftrat í teltinum.
Vit halda fram við góða samstarvinum og ætla at fáa enn fleiri at røra seg til næstu flaggdagsrenning.
Stuðulin í ár var 16350,- kr