Í sera góðum veðri í dag, runnu 47 fólk úr Kollafjarðardali niðan á Sornfelli. Og hetta var samstundis 20 ár síðani runnið var fyrstu ferð.

Tað var ítróttarfelagið í Mjørkadali, MIF, sum byrjaði renningina og fyri nøkrum árum síðani handaðu tey Bragdinum stafettina.

Hetta er ein øðrvísi renning, m.a. tí at tað bert er ein brekka, sum byrjar við startin og endar á málinum. Og ein hørð ruta, men sum ikki heldur rennarum aftur, tí vit síggja fleiri, sum renna við ár eftir ári.

Í dag vann Rógvi Kárason renningina, eins og seinasta ár. Hann var um 1 minutt frá metinum, so tað var væl runnið. Fyrsta kvinnan á mál var Katrine Lindberg Hansen.

Sum skrivað áður, var veðrið av tí besta, turt og lýtt, og ovast var eitt sindur av mjørka, so tað kendist gandakent, júst sum tað eigur. Í ár fingu øll fyri fyrstu ferð luttakaraheiðursmerki, gjørt til høvi. Aftaná bjóðaðu vit ein drekkamunn inni í bunkaranum, og tann løtan er altíð hugnalig.

Takk tit, sum hjálptu til í dag – eitt gott lið av hjálparum úr Bragdinum. Eisini takka vit Tommy fyri vælvild aftur í ár og Effostøðini fyri aftur í ár at hýsa okkum, so vit kunnu býta startnummur út innandura.

Myndir koma á Facebook seinni og úrslitini eru her: